Veskekurven - høyrt om den?

Veskekurven - høyrt om den?

Det aller mest populære mønsteret eg har hatt gjennom åra er haustens Veskekurven. Designer er Linda Olsen Ryum. Kva er det som gjer mønsteret så populært? Eg trur det må være blant anna at det faktisk er veldig lett å sy.

Etter å ha sett utallige variantar av den dei siste månadane visste eg at denne måtte eg sy. Først spurte eg Lillian Volden om ho ville sy ein modell til butikken i Japansk Vevde stoffer. Det sa ho ja til med ein gang, og når dei kom i hus - ja da fekk eg berre så lyst til å sy ei eg også. Etter nokre dagar tok eg mot til meg, og sydde. Og når den var ferdig forsto eg godt kvifor så mange syr den. Den er rett og slett enkel, grei, og den kan varierast på utallige måtar. Eg sydde den først i kun et stoff, men no har eg nummer to under planlegging.

I helga er det ikkje så mykje på plakaten, og da blir det syrom som er første prioritet. Eg gleder meg til å sette meg å  sy nummer to. Og no skal du få sjå nummer ein;

Eg er utseld for stoffet - det må eg berre beklage. Men, du ser godt kor flott den blir med eit motivstoff. Har du ikkje fått kjøpt mønsteret enda og har lyst på det så finn du det her;
VESKEKURVEN

Det er travle tider i butikken og det er så kjekt. Ellers jobber eg med at du som kunde skal få ein enda bedre opplevelse i butikken, og eg håper at du vil finne endringene positive.

Klem til dere alle fra Desiree

Regnbuer og pepsicola

Kjære du som les denne bloggposten.

Eg håper - du har det bra - eg håper at om du ikkje har det bra at du har trua at ting vil bli bedre. Og du skal vite om du ikkje har trua - det er alltid eit lys i enden av tunellen.

Det beste med regntunge dagar er regnbuen. Eg tenker ikkje så mykje på sola som er bak, men regnbuen den liker eg veldig godt. Og kjem der to regnbogar, åh, det er så fantastisk. Som denne som Inge fekk bilde av etter han kryssa grensa til Nordland på onsdag;

Og sidan eg er så glad i regnbuar så har det i det siste blitt slik at når eg ser eit mønster med regnbuer så får eg så lyst til å sy det, men i regnbuens farger. Teppet under er eit slikt mønster. Eg hadde pakker med klare farger i butikken, og stripene kviskra til meg kvar gang eg gjekk forbi - bruk meg - sy meg - sy meg inn i ein regnboge.... Så då vart det regnbogen på Bleik. Eg er svært svært nøgd.

 

Det er så mykje eg har lyst til å sy, og når kvardagane er travle må eg passe ekstra godt på så eg får prioritert det. No har eg ein superlang lukkekant som ventar, og eg har bestemt meg for å prioritere den før eg begynner på neste prosjekt. Stor klem fra meg til deg :-) 

Gåver blir til - og litt opprydding

Eg er blitt så inspirert av ei dame som heiter Nina Wolther. Ho er Feng Shui spesialist og tilbyr onlinekurs innen temaet. Fredag dumpa eg borti ein video ho hadde om hage og Feng Shui. Etter den har eg sett mange videoer. Noko av det ho poengterer stadig er det å rydde og kvitte seg med ting som ikkje lenger har nokon funksjon for oss. Av og til kjem eg dit at eg ikkje liker å gå inn på syrommet. Og slik har eg hatt det i det siste. Eg liker å sy, men ikkje på syrommet. Dette skjedde før eg fekk svigermor på besøk, no har ho hatt det som gjesterom dei siste fjorten dagane, men det fekk meg til å tenke på - kva er det som gjer at eg ikkje liker meg der så godt? Så kom det til meg. Eg har eit flott vindu der, og det bruker eg ikkje i det heile. Så da bestemte eg meg for å ominnrede slik at når eg sitter og syr så ser eg ut vinduet.

Du skal få sjå bildene no fra før eg rydder (eg er midt i ryddinga no).

Denne hylla har eg altså flytta hit. Det er to cd hyller som er lagt ned. Eg hadde dei før på den veggen vinduet er. Eg følte litt at dei kom mot meg, men slik dei er plassert no så kjennest det meir behagelig.

Her er den kroken der senga er som gjester nytter. Eg har lyst til å lage eit skille mellom den delen og der eg syr  slik at det blir klart definert kva som er gjesteområdet og kva som er syrom. og alt rotet du ser vil eg rydde opp i.

Her ser du korleis det ser ut når eg har flytta hyllene. Det høge skapet kan godt bli fjerna, veit ikkje heilt enda korleis eg skal løyse det. Eg spekulerer også på om eg skal kjøpe meg store plastkasser å lagre en del av stoffene i. Da kan de stå under det bordet eg kjem til å skjære på, og to ruvende skap kan få ein ny heim.

*************************************

 Og i dag - Søndag - har eg sydd denne lekre toalettmappa. Denne gangen er det ei forsinka 50-års gåve. Eg håper jublianten blir nøgd, ho har sagt ho liker jordfarger, så eg tenker den vil falle i smak.

Søndag kveld er her og eg har fått rydda litt meir på syrommet;

No har eg hengt opp ei hylle ved fotenden. Der har eg alle bøkene mine. (Planen er å rydde i dei etterkvart og donere bort eindel av dei. - eg har også ein del notatbøker. Eg har ein uvane at eg kjøper ei bok, skriv ti sider, og så kjøper eg ei ny bok og slik går no dagan. Litt utrenskning der også skal til) Eg har sett opp skapet som sto ved vinduet ved senga (til venstre på bildet). Då er senga meir eit avgrensa definert område.

Rotet under bordet må sorterast. Venter på plastkasser så skal det nok bli orden på det.

Her har eg sortert linjalane litt meir og skjæreutstyret. Spør meg ikkje kvifor eg treng tre kuttere som måler 45 millimeter :-)

Levande lys gjer seg godt på syrommet. Den raud grøne tingen til høgre på bildet er det første eg laga nokon gong som eg vart veldig nøgd med. Eg har hatt den sidan eg var 12 år gammal :-)

Mandag er her. Eg er så heldig at eg har fått lov til å plukke rabarbara hos nokre naboer, så i kveld vart det nokre porsjonar med rabarbarasyltetøy. Tipper eg kjem til å lage nokre til, skal teste det i morgon på brødskiva.

Eg hadde kurs for nokre veker sidan, og ein av kursdeltagarane plundra litt med å sy ei toalettmappe. Eg adopterte den og her ser du resultatet. Flott å bruke til Søstre for søstre.

Dette innlegget kjem til å bli oppdatert fram til fredag. Så om du har lese dette til no, så vil det bli meir å lese utover i veka. Stor klem til deg - lytt til kroppen din - den pleier å fortelle deg i klartekst kva den treng :-)

Svart kvit regnbue

Rett på sak :-)

Ofte så blir eg inspirert til å sy noko i bestemte fargar, men eg veit ikkje kva eg skal sy. Denne gangen gjekk eg på pinterest og skreiv Black white Quilt. Da kom det opp mange flotte quilter, og ein av dei var denne;

Dette aktuelle teppet var funnen til salgs på Etsy for 250 dollar. Med dagens kurs er det ca 2000 kroner. Eg valgte størrelsen 4 inch på midtkvadratene og 2 inch på stripene. Så var det berre å sette i gang.

Slik såg det ut etter ei stund. Eg hadde ca 12 ulike svart/kvite stoff og 12 ulike kvit/svarte stoff. For meg var det nok til å få variasjon. Eg hadde ikkje noko system på korleis eg sydde stoffene, men brukte same stripa i første omgang og i neste brukte eg og same stripe.

Slik såg det ut når blokkene var ferdige;

Det vart jo flott og elegant, men eg følte det var litt trist, så eg valgte å legge til regnbuens farger. Eg valgte også å quilte det sjølv, det målte jo berre 95 ganger 135 cm ca. Organisk quilting kaller eg det når det blir litt buklete. Og slik vart resultatet;

Ønsker dere alle ein deilig dag!

Klem fra Desiree

Kreativitet og dekluttering - hand i hand :-)

Eg er kreativ. Eg nyter å lage noko nytt og annleis. Eg liker å leike meg med farger. Når eg syr så har syrommet mitt ein tendens til å sakte men sikkert forvandle seg til noko uoversiktlig og veldig rotete.

Syrommet er også eit gjesterom. Og sist eldstemann hadde nokon på overnatting berre måka eg alt som var på senga ned på golvet så det låg der i ein diger rotehaug. Vel, eg er også veldig glad i å rydde. Det kjekkaste er å rydde når det er veldig rotete. Da føler eg at eg gjer ein veldig bra jobb som viser skikkelig.

I går hadde eg bestemt meg for å sy noko som eg hadde blitt inspirert av tidligere, og resultatet var dette;

Men, medan eg sydde kunne eg kjenne ein slik uro, ein uro fordi rett og slett det var så kaotisk rundt meg. Så det eg gjorde var at når eg hadde sydd ei koppebrikke, så rydda eg eit svært avgrensa område - td samla all vatt på ein plass - rydda i to kurver - passa på å gå ut i eit anna rom og sortere tinga skikkelig. Eg kom ikkje i havn med heile syrommet, men her ser du kurven med resteposer sortert etter farger;

Videre vart det sortert ut ein del Pre Cuts. Precuts er pakker med stoffer som er klare til bruk. Desse er kjekke å ty til når eg har lyst til å sy noko heilt spesifikt, men eg har ikkje lyst til å bruke masse tid i forkant på å skjære. Da tar eg ein slik, og ikkje lenge etter har eg noko ferdig;

Eg har nok litt fleire enn i denne kurven, men no er no mange av dei samla på ein plass. Så fekk eg no rydda slik at senga er tom. Ofte når eg syr kjem ungane eller mannen min inn og slår av ein prat, og da er det jo ekstra kjekt når dei kan legge seg på senga;

Og til sist. Eg er nok ikkje ferdig å rydde, og eg veit at i tida framover når eg skal sy så tek eg litt og litt fra dette skapet. Eg skal innrømme - i tida etter jul har eg sydd i stua - og det var ikkje før etter ungane bemerka kvvifor i alle dager eg var i stua og sydde at eg skjønte det, Det var rett og slett så rotete på syrommet at eg orka ikkje gå inn dit. Men no kjennest det heilt annleis - her ser du neste steg i ryddeprosessen;

Eg ønsker deg ein fin dag, gjerne ved symaskina :-)

Med blanke ark :-)

I dag har eg sydd ferdig eit stort teppe. Dvs eg har sydd på lukkekanten og no er det heilt ferdig. Du ser det her;

Det har skjedd noko rart med meg dei siste to åra. Før så var det slik at eg begynte på fleire ting samtidig og hadde masse ufoar. No er det slik at når eg begynner på noko så syr eg som regel på det til eg er ferdig. Og eg kan ikkje sei at eg har noko særs liggande som er uferdig. Men ein ting er sikkert, eg har ein stor stabel med ting eg har lyst til å sy. Stadig surfer eg rundt på nettet og mappa med bilder av ting eg har lyst til å sy blir større og større.

No har eg rydda syrommet - støvsuga - tømt søppelkorga - og no er eg klar til å finne noko eg har lyst til å sy - berre sjå her;

Så har eg også kikka litt i bildene eg har samla på. Problemet her er jo at eg ikkje hugser heilt kor eg fann bildet, så eg veit ikkje kven som var opprinnelsen til det lekre arbeidet. No viser det seg at det er Karin Annie Knædal som har sydd de. :-)  Det eg veit er at det inspirerer meg til å sy noko - av og til blir det likt og av og til blir det heilt annleis. Her er mitt neste prosjekt;

Dette er lekre koppebrikker og inspirasjonen. Men, eg kjem til å sy stjerner i ulike fargar på kvit bakgrunn. Så sjølv om dette er inspirasjonen, så syr eg noko som er relativt annleis.

 Den første mug Rugen er klar. Som du ser, litt lik, men likevel annleis :-) Og no oppdaterer eg innlegget for tredje gang og har klar seks brikker :-)

 

Treng du stoff eller anna så er du velkommen til butikken min; www.lappeteknikk.no

 

Klem til dere alle ! Desiree

Januar og plundersøm

Januar er ein deilig månad - blanke ark og nye muligheter. Sjølv om nye muligheter kjem jo kvar einaste dag og fleire ganger daglig, så har likevel januar ein litt spesiell energi over seg.

Eg har bestemt meg for mange ulike ting i Januar. Ein av dei var at eg hadde lyst til å sy fleire gåver og gi bort kvar gang eg hadde ein anledning til det. Så eg har sydd nokre av desse;

Dei er superlette å sy, rett og slett sjokkerande lette. Og vil du ha oppskrifta så finn du den her; http://piasisia.blogspot.no/2014/12/fullfartkurv.html Eg har hatt i Aloe Vera planter, men når eg går tom for avleggere av de kan eg jo ha i Q-Tips slik som i oppskrifta.

Videre har eg fått quilta ferdig eit teppe eg fann oppskrifta på i Quilty. Det ser du her;

Originalen var i jordfarger og altså heilt annleis. Eg er superfornøyd med resultatet og det vart flott quilta av Merete Ellingsen. Ser tydelig i hyllene mine at eg må fylle på med rosa, turkis, klar blå og lime. Det er kjekt å bruke rester, men er eg ikkje flink til å fylle på når eg syr så er det brått slunkent i hyllene på syrommet, og det er ikkje så kjekt.

Det siste eg vil vise fram i denne omgang er løperen eg sydde til klubbhuset der eldstemann spelar fotball. Svært nøgd med at eg fekk fram den antatte formasjonen til laget 4-4-1-1 og gåva vart godt motteke.

Eg håper at du er inspirert til å sy og at du finn tid og prioriterer å gjere det. Mine planer i nær framtid er å sy nokre modeller til kurset eg skal ha 14. februar. Det er heilt nytt for meg å halde kurs, og det er veldig spennande.

Klem til dere alle!