Desirees Lappeteknikk: Nye kapper til kjøkkenet :-)

Januar er over - februar er nesten over - og du skal berre sjå at snart er jammen mars også nesten over. Og da er det godt at eg allerede no er i ferd med å ta ned adventskappene eg har hengande på kjøkkenet. Som du ser så mangler det ei ytterst til venstre. Den har eg tatt ned for å ha som mal. Eg tør ikkje ta resten ned før dei ni nye er ferdige, og du skal sjå i løpet av denne bloggposten at to er klare.

Over ser du kjøkkenet om kvelden, Under ser du det på dagen. Dette er no eit slikt kvardagsbilde, vaffeljernet er nett brukt, der er litt ting som skal vaskast opp og ting som er blitt vaska opp. Slik det jamt er på eit kjøkken.

Men så var det dei kappene då. Her ser du korleis ei kappe ser ut som er til advent;

Her brukte eg Little Twister linjalen og den er ca 25 ganger 25 cm stor eller liten alt etter som.

Men så var det fargane. Kva farger skulle eg bruke? Eg har gått kurs i Feng Shui og fann ut at kjøkkenet vårt hadde elementa jord og vatn.

Vatn er ulike blåtoner og jord er gult og brunt. Eg kan også ha andre farger klart - men dette er hovedelementa. Så da tenker eg å gå for denne paletten her. (paraplyane veit eg ikkje heilt enda)

Det aller første eg ville ha med var noko som ligna eit landskap. Den kappa sydde eg utan å tenke så mykje meir, så det vart lite bilder. Men her ser du den ferdige kappa;

Eg vart veldig fornøyd. Det grønne stoffet er eit kona cotton stoff som er reve - da såg det litt ut som gras som vaiar i vinden. Ellers er det berre skore skeive stoff som eg har lagt på og sydd med maskin litt innanfor sårkanten. Nokre naive skyer er frihandsquilta og ein liten fugl står på bakken. Den er også klipt ut av eit stoff. Eg har ikkje brukt vliesofix i det heile på dette. Lukkekanten sydde eg på vanlig - men sydde til med maskin på framsida oppå kanten.

Så var det kappe nummer to. Inspirasjon fann eg på Pinterest og her er bildet eg tok utgangspunkt i;

Teppet finn du på denne bloggen; Woven Baby Quilt

No skulle jo ikkje eg ha eit babyteppe størrelse passe stor til baby, men ei bitte lita kjøkkenkappe som skulle måle ca 25 ganger 25 cm.

Eg fann ut at om eg skar biter på 1,5 ganger 1,5 inch så ville eg med ni firkanter ein vei og ni andre veien få til eit bra mønster. Her kan du sjå korleis det ser ut når eg har lagt dei ut.

Fargevalget er mykje det samme som i den første kappa - men her har eg ikkje grønt med. Likte godt at eg brukte stein-stoffet som basisstoffet. Og så gjorde eg noko lurt. Eg hadde to rester med H180 og dei gjorde godt nytten som stabilisator. Eg limte alle firkantane på slik som du ser under.

Det som er så bra med å gjere det på denne måten er at sammensyinga går i ein fei. Og for meg som har litt knotete fingrer så er det greit med all den hjelp eg kan få. Når så alle var limt på - så var det berre å sette i gang og sy.

Først så syr eg sammen alle rekkene ein vei. Så klipper eg inntil sømmen der eg skal sy motsatt vei. Når eg har sydd både vassrett og loddrett ser det slik ut;