Julestjerner i august

Ja dette har vore ein forunderlig sommar - det trur eg mange kan einast om. I alle fall om vi bur i Sør-Norge. No er august godt i gang - når eg går i skogen er der bjørkelauv på bakken som er gule og lyngen skiftar farge. Så eg har ein haust-følelse i meg, og det gjer til også at julefølelsen kjem snikandes.

Eg har sydd ein løpar - den begynte eg på for eit år sidan. Eg fekk inn eit nydelig stoff i butikken og tenkte at dette ville bli lekkert i ein løpar - det var dette;

Så gjekk det som det ofte går  - det vart ikkje sydd i fjor. Og når eg så rydda syrommet etter sommaren - så dukka julestjernene opp att. Mange flotte stjerner hadde fått på seg vliesofix og var klipt klare til å berre bli brukt.

Så det eg hadde gjort var å ta ein 30-centimeter - stryke på vliesofix på baksida og så klippe ut alle stjernene. Mange hadde da kant på seg - altså at stjerna ikkje var heil. Og det er desse eg har brukt i løparen; 

Når det galdt rammene tok eg det vesle eg hadde av grønt i mosefarger. Der er eg ganske skrapa - så der trengst det påfyll. Eg liker godt å bruke av det eg har - og heller fylle på når eg har brukt av det. Da blir det kan hende andre ting eg kjøper inn att. 

 Eg sydde altså på rammer - målte først på bordet kor stor det var naturlig at løparen var - og så  kom rammene på. Når eg var ferdig vart den skoren litt mindre igjen. Så la eg stjernene utover som du ser langs kantane. 

Her ser du korleis det ser ut med rammer. Hadde eg hatt meir av stoffa ville eg kan hende hatt samme stoff i heile ramma. Men eg var for utolmodig og ville sy når eg først var igang.

Løparen er litt skrukkete på bildet - eg har hatt den samanrulla fordi eg skulle på fotballtrening med ein av gutane og sy til lukkekanten der. Var på besøk hos ei venninne og ho hadde dei nydeligaste lysestakane så da fekk eg ta bilde. Vart veldig fornøyd, og det er ein rask løper å sy - så sant stjernene er klipt ut. Og kva angår ein ting inn - ein ting ut? Eg veit eg har brukt ein meter med stoff ca til løperen, - eller med bakstykke 1,3 meter. Så da kan eg gjerne fylle på med stoffer. Så eg skriv det på blokka mi for august. 

Tusen takk for at du leser bloggen min - du er hjertelig velkommen til ein hyggelig handel hos Desiree's Lappeteknikk

Klem fra Desiree - ja så må eg berre vise det vesle "alteret mitt". 

Koselig med ein engel som passer på. 

Ein ting inn - ein ting ut - går eg aldri lei av det? Og kor mykje stoff er det greit å ha?

Eg veit ikkje kor ofte eg gjer det - men dann og vann veier eg stoffene mine.
Dette så eg skal ha nokonlunde kontroll på kor mange eg har. Her ser du korleis det ser ut når eg veg;

Eg har ei forestilling om at eg skal ha ein boks av kvar av følgande fargar;

Svart
Kvit
Beige
Brun
Svart/kvit
Blå
Turkis
Grønn
Lime
Rosa
Lilla
Rød
Oransje
Gul

Tja - var det det? I alle fall - eg ser at kvar boks som eg bruker rommer ca 1 kilo stoffer, og 1 kilo er ca 5,5 meter med stoff. Ganger eg med 14 får eg da 77 meter med stoff. Ganger eg det igjen med 200 kroner, så blir det rundt 15 000 kroner. Og det må eg sei, det er det faktisk ingenting å sei på.

I tillegg vil eg ha eit godt utvalg i Kona Cotton - så om eg sper på med 10 000 kroner der så er eg oppe i 25 000 kroner. Eg har rekna litt på det - skulle eg sydd store lappetepper - som doble tepper, så ville eg hatt nok til 24 tepper ca. Og eg veit at eg bruker i alle fall tre måneder på eit så stort teppe, så eg vil kunne sy i tre år. Om eg syr jamt og trutt. det betyr igjen, at i stoffutgifter i året har eg 8000 kroner. Og det kan eg sei, det er lite. Berre i det eine jaktlaget mannen min har vore med har han betalt 13000 kroner for ein sesong. Ja, vi får kjøt att for det - men vi får også lekre gåver att av det eg syr.

No er dette forenkla - det er jo klart. Poenget mitt er at om så eg syr så mykje eg kan, så vil eg ikkje blakke meg på stoffforbruket - forutsatt ein ting. At det går ein ting ut for kvar ting som kjem inn.

Men kva betyr det egentlig? Jo, no skal du høyre. La oss sei at du syr eit slumreteppe. Når du har sydd toppen ferdig så kan du veie den. Veier den 750 gram og du deler på 180 så betyr det at du har brukt ca 4,16 meter med stoff Mest sannsynlig har du brukt meir sidan det blir litt avskjær, men i alle fall veit du no kor mykje du har krympa lageret ditt med. Er du ekstra fornuftig noterer du ned, og når du skal handle, enten det er på nett eller i butikk så går du over stoffene dine og ser kva du mangler. Så blir det litt kva du treng og litt kva du har lyst på. Men du held deg til ca fire meter. Da har du balanse i stoffbeholdninga di og du treng aldri føle at du har kjøpt "for masse" for eit visst utvalg er det kjekt å ha.

- vel - så er det virkeligheten - kva har eg egentlig? Her ser du korleis det ser ut når ein slik boks er full;

For å gjere det supergrundig så kan eg skrive opp kva eg veide;

Grå 1,3 kg
Beige med farge og lin  1,2 kg 
Rosalilla  1,05 kg
Svart/svartkvitt  1 kg
Beige 0,83 kg
Kvitt 1,2 kg
Regnbue 0,89 kg
Grønn 0,78 kg
Div 0,24 kg
Brune 1,1 kg
Div 0,82 kg
Grå 0,86 kg
Blå 1,2 kg
Div 0,82 kg
Grå 1,0 kg
Oransje 0,86 kg
Grønn 1,36 kg
Gul 0,79 kg
Brun 0,31 kg
Rosa 1,1 kg
Japanske 0,68 kg
Lilla 0,92 kg
Rød 0,86 kg
Blå 0,93 kg
Div 1,0 kg
Div 0,46 kg

Ja ja - så summerer eg  - og ingenting av dette er Kona Cotton - da får eg - 24,66 kilo. Hm - det er no litt meir enn eg hadde tenkt.

Kor mange meter blir det? Eg trudde jo 77 var ok - men la meg sjå; 137 meter
Og så kjem Kona Cotton i tillegg - 53 meter. Vel da veit eg kva som er passelig for meg å ha i hus. Ca 190 meter. Og ganger vi med 200 - da har vi tatt godt i - da lander eg på 38000.

Det ser no ikkje så mykje ut i dei stusselige boksane mine - men ein ting veit eg - at alle draumane eg har lyst til å sy ut - det er ingen vits i å vente. Så no skal eg kikke på ting eg har lagra som eg vil sy - og så skal eg sette i gang med eit teppe - eit teppe som gjerne kan bli til 50 års gave eller bryllupsgave - det har eg erfart dei siste åra - det er veldig kjekt å ha nokre store tepper å velge blant når eg skal slå på stortromma på gavefronten. Og ikkje berre det - men også å kunne dykke ned i haugen og finne tepper både til sjukehus og gamleheim - det er såååå kjekt.

Så eg fortsetter med ein ting inn - ein ting ut - så får vi sjå ved neste korsvei om 190 meter er blitt meir eller mindre. Så lenge der er ein viss balanse er eg fornøyd.

Klem fra Desiree

Eit asiatisk eventyr er over -

Etter ei veke i Hong Kong har vi opplevd mykje forskjellig. Det som opptok meg mest før vi reiste var det at folk bur veldig tett her. Her er mykje grønn skog - og frodig, samtidig er det vannvittig mange høghus tett i tett. Eg har sjekka og der er 2700 bygningar som er over 100 meter høge. 

Sogn og Fjordane er har eit areal på i overkant av 18000 kvadratkilometer, Hong Kong har rundt 2700 kvadrat kilometer. Innbyggar pr kvadratkilometer i mitt heimfylke er 6! medan her i Hong Kong er det 6777 pr kvadrat kilometer! Det er litt av ein skilnad. 

Eg såg nokre dokumentarar før eg reiste, og for dei som har minst pengar er det vanskelig å finne ein god plass å bu. Mange av dei som leiger ut leiligheter har funne ut at dei kan jo berre ta ei leilighet som normalt skal huse ein familie, og gjere det om til f eks sju ettroms leiligheter. Da har dei ikkje mulighet for hverken toalett eller kokefaciliteter. 

Vel - det var litt demografi. Over til andre ting. Det var få koselige cafeer, og vannvittig mange luksusbutikker. Så for min del var det ein rimelig tur. Over alt kor vi gjekk var det rådyre butikker, og for kvar undergrunnstasjon som vi gjekk ut av kom vi opp i eit vannvittig kjøpesenter. Over 300 butikker gjerne og da for det meste kostbare merker. Eg var heldig og kom over ein vegansk fastfood - og der fekk eg spist eit måltid Ellers for min del vart det til at eg bestilte "side-dishes" når vi var ute og spiste. 

Eg hadde lyst til å vise fram litt av kvart som eg liker å sy på turen - dette kan du sjå meir om på instagramprofilen min. Så over eit glimt fra Starbucks. Eg veit - ikkje den beste i klassen når det gjeld kaffi og personalpolitikk - men Costa Coffee såg eg ikkje ein einaste av når vi var her. 

Dere som kjenner meg veit at eg elsker farger, og desse nydelige flisene kom eg over på eit toalett. Toalettene holdt veldig ulik standard, så skal du først på toalett så anbefaler eg å bruke eit i lukusvarehusene. 

Så var vi i ein vannvittig fin park/hage som heiter Nan Lian Garden. Eit lite pusterom i ein travel butikk. Trass i gratis inngang var det få folk der. Eg prøvde meg på fotoshoot med log-cabin duken min, men vi vart jaga bort. Så lukka var stor når eg fekk snike meg til eit bilde. 

Ein av tinga eg ville gjere på turen var å ta ein Instagram tour. Så lukka var stor når vi var på vei tilbake og vi fann desse instagram bygningane. Fargar er ein stor stor del av livet mitt - og eg elsker det når eg ser andre også gjere bruk av dei 

 Her ser du den vakre skyline til Hong Kong. Her var det eit lysshow kvar kveld klokka åtte - men vi vart vel ikkje total imponert.

Eg var glad eg tok med yogamatta mi. Om morgonen når beina tillet det og været var det yoga på bassengkanten. 

Det var like spennande kvar morgon når eg kom ut av heisen om det plaska ned, eller om eg kunne rulle ut matta. 

Favorittmaten på turen for min del var dette deilige avocado-smørbrødet. Nyte nyte nyte - og no håper eg at eg også kan nyte dette i heimbygda etterkvart. 

Ti tusen buddhaer var ein flott opplevelse. Vi googla det og fekk opp korleis vi skulle reise dit. Det var overhodet ingen skilt som viste kor det var - forklaringa på det var at dei dreiv og renoverte og ville ikkje ha besøkande. Men mykje fint å sjå i alle fall. 

Dette var ein kvinnelig buddah, lett å sjå - ho må jo ha tusen armar for å rekke alt ho gjer i løpet av ein dag. 

Øverst oppe var den aller vakraste. Ho heiter Quan Yin og er kjend som gudinna for nåde og medfølelse. 

Vel tilbake på hotellet var det å ta fram litt bær og briske meg med dei to brikkene eg har sydd med campingvogner på Rett så søte tykkjer eg. 

Eg må berre sei - det er veldig kjekt med ein slik knagg til å henge veska på når ein er på toalettet. Ofte det som kan skille eit ok toalett fra eit mindre ok toalett. Eg veit at dette blir det enda meir av når vi skal til Frankrike. 

Og så - målet for turen - embalasjemessa. Her var det mange hundre utstillere som viste frem ulike måter å pakke inn produkter på Ikkje berre berre å finne fram her. 

Litt solnedgangar vart det på oss - og også lukkekanter. Veldig kjekt. 

Hong Kong er kjend for å lage alle stillas i bambus - og her ser du ei samling bambus som venter på å bli sett i arbeid. 

Knapper i alle farger og fasonger. Knapper er ikkje ein del av sortementet mitt i butikken - men der er veldig kjekt å sjå alle slags som finnest. 

 Etter ein strevsom gåtur oppover gåstiane kom vi endelig til toppen. Vi var svært heldige med været og fekk sjå Hong Kong fra oven.

Og til sist - siste snutten av håndsøm på turen. Desse søte stoffene fra CottonTail. Har du ikkje sikra deg nokon av dei enda har du kan hende framleis sjangsen. 

Tusen takk for at du fulgte meg på turen. No er det ei veke med jobb - så skal eg på to vekers ferie til Frankrike. Da kan det være greit å følge meg på Instagram. 

God klem! 

Lantau Peak og the giant Buddah.

Vi er på i Hong Kong og skal på varemesse. Klok av skade har vi lagt til nokre dager i turen slik at vi ikkje skal være i koma når vi møter leverandørene. Ikkje så klok av skade la vi ut på ein god krevande fjelltur ein av dei første dagane. Når eg skriv dette er det andre dag etter turen og beina mine lurer fælt på kva som gjorde at eg straffa den med denne turen. 

Ved godt mot før vi reiste fra hotellet. Det tok ca 1,5 time å reise til der fjellturen starta - fra vi gikk ut av hotellrommet. Her føles det som det var i nærheten - litt andre forhold her enn heime. 

Eg blir berre så facinert av høghusa. Desse er absolutt av den bedre kvaliteten - dei ser reine og fine ut. I denne delen av Hong Kong - Tung Chung - bur det 45000 menneske. Og dei bur primært i fem høgblokker - så mange naboer kan du sei. 

 Vi møtte på ei turgruppe med eldre menn - var litt spent på om dei skulle til same fjelltopp som oss, men kort tid etter vi tok dette bildet så gjekk dei ein annan veg. 

For det aller meste var det trapper som dette vi gikk i. Vi starta ved Pak Kung Au - tok bussen dit fra Tung Chung. Pak Kung Au ligg på 340 høgdemeter og fjellet vi skulle opp på låg på 934 meter over havet. For min del - det var krevande. Tidivis var det bedre å gå i stien ved sidan av da ein del av trinna var relativt høge. 

Her kan du sjå ein video fra veien opp - det var medan vi framleis hadde krefter til å ta bilder og filme; 

På vei opp til Lantau Peak

På toppen såg vi ingenting. Så da var det å gå videre til NGONG PING. Det skulle ta 1,5 time og eg trur vi brukte såpass. Og alt var trappetrinn nedover. For min del - det var knallhardt. Viljestyrken min fekk verkelig bryna seg. Det var jo liksom ikkje noko alternativ.

Så etter lang lang tid og skjelvande bein så kunne vi sjå Buddhaen i det fjerne; 

Den er heile 34 meter høg og laga i bronse. Eit fantastisk landemerke. 

Nesten framme kom til til nokre forfalne greier - det vil sei - ein gang i tida var det sikkert ein blomstrande business;  

Eit vagt minne dukka opp når vi såg dette - det vil sei - vi såg det etter det neste bildet du skal få sjå. 

Minnet var den gangen for fleire år sidan når eg gjekk på Caminoen i Frankrike. Den gangen var eg fint lite tilstades her og no - eg higa alltid etter noko lenger framme. Dette har eg nok framleis i meg, men det kjem seg dag for dag. I alle fall, ofte så hadde eg lyst på kaffi - og ofte såg eg skilt som dette. "Cafe lenger framme" 

Og ofte skjedde dette; 

Eg kom til eit totalt falleferdig hus som det var veldig lenge sidan nokon hadde laga kaffi i. Då vi kom ned frå fjellet - og var veldig slitne - så såg vi dette falleferdige og fråflytta huset. Veldig rart egentlig - der var fem seks hus som såg ut som dei var forlatt for mange år sidan. og det var rett ved ein stor turistattraksjon "Wisdom Path" - den ser du her;

Det var først då vi hadde gått forbi dei falleferdige husa at dei lekre skilta med Tea Garden Restaurant kom opp. Da angra eg på at eg ikkje tok fleire bilder av den "flotte" restauranten. Og minnene fra Frankrike kom tilbake. Om ikkje lenge skal eg og Inge gå to veker i Frankrike - da blir det fleire flotte bilder å sjå. 

Wisdom path var gigantiske trestammar som var slissa i to på langs og der var det skore inn ulike visdomsord. Flotte monument. Men vi var skjelvne i beina etter den 3 timers lange fjellturen og traska vidare til The Giant Buddah. Ein fantastisk gigantisk bronseskulptur som vi når vi kom ned fra fjellet og ut fra tåka kunne skimte i det fjerne; 

Men Buddahen altså --- og her på nært hald; 

Ein fantastisk opplevelse - og så var det å komme seg til hotellet - vi dvela ikkje så lenge her - vi var slitne og stinka fælt. 

Så vel tilbake på hotellet pimpa vi opp solsengene og slappa litt av; 

Det er noko eg alltid gjer når eg er ute og reiser - har med lappetepper så vi føler oss litt meir heime. Etter ein kort kvil så bar det ut att på middag med ei venninne. Kan ikkje sei anna enn at om du liker å reise så er Hong Kong ein fantastisk plass å besøke. Følg meg gjerne på Instagram for fleire oppdateringer. 

Og til sist - har du ikkje handla i butikken enda? I heile april trekker eg ut tre vinnere - ein får ei stoffpakke til ein verdi av 2500 kroner og to stykker får gavekort på 1000 kroner kvar. Legg inn ei bestilling og få sjangsen til å vinne du også; 

Desiree's Lappeteknikk

Lurer du på korleis du bestiller? Kategoriene hos Desiree

Nyheter og bestselgere

Hvordan bestille hos Desiree

Du er hjertelig velkommen til ein hyggelig handel - alle bestillinger sendes ut fra 2. mai. 

Helsingar fra Desiree