Lantau Peak og the giant Buddah.

Vi er på i Hong Kong og skal på varemesse. Klok av skade har vi lagt til nokre dager i turen slik at vi ikkje skal være i koma når vi møter leverandørene. Ikkje så klok av skade la vi ut på ein god krevande fjelltur ein av dei første dagane. Når eg skriv dette er det andre dag etter turen og beina mine lurer fælt på kva som gjorde at eg straffa den med denne turen. 

Ved godt mot før vi reiste fra hotellet. Det tok ca 1,5 time å reise til der fjellturen starta - fra vi gikk ut av hotellrommet. Her føles det som det var i nærheten - litt andre forhold her enn heime. 

Eg blir berre så facinert av høghusa. Desse er absolutt av den bedre kvaliteten - dei ser reine og fine ut. I denne delen av Hong Kong - Tung Chung - bur det 45000 menneske. Og dei bur primært i fem høgblokker - så mange naboer kan du sei. 

 Vi møtte på ei turgruppe med eldre menn - var litt spent på om dei skulle til same fjelltopp som oss, men kort tid etter vi tok dette bildet så gjekk dei ein annan veg. 

For det aller meste var det trapper som dette vi gikk i. Vi starta ved Pak Kung Au - tok bussen dit fra Tung Chung. Pak Kung Au ligg på 340 høgdemeter og fjellet vi skulle opp på låg på 934 meter over havet. For min del - det var krevande. Tidivis var det bedre å gå i stien ved sidan av da ein del av trinna var relativt høge. 

Her kan du sjå ein video fra veien opp - det var medan vi framleis hadde krefter til å ta bilder og filme; 

På vei opp til Lantau Peak

På toppen såg vi ingenting. Så da var det å gå videre til NGONG PING. Det skulle ta 1,5 time og eg trur vi brukte såpass. Og alt var trappetrinn nedover. For min del - det var knallhardt. Viljestyrken min fekk verkelig bryna seg. Det var jo liksom ikkje noko alternativ.

Så etter lang lang tid og skjelvande bein så kunne vi sjå Buddhaen i det fjerne; 

Den er heile 34 meter høg og laga i bronse. Eit fantastisk landemerke. 

Nesten framme kom til til nokre forfalne greier - det vil sei - ein gang i tida var det sikkert ein blomstrande business;  

Eit vagt minne dukka opp når vi såg dette - det vil sei - vi såg det etter det neste bildet du skal få sjå. 

Minnet var den gangen for fleire år sidan når eg gjekk på Caminoen i Frankrike. Den gangen var eg fint lite tilstades her og no - eg higa alltid etter noko lenger framme. Dette har eg nok framleis i meg, men det kjem seg dag for dag. I alle fall, ofte så hadde eg lyst på kaffi - og ofte såg eg skilt som dette. "Cafe lenger framme" 

Og ofte skjedde dette; 

Eg kom til eit totalt falleferdig hus som det var veldig lenge sidan nokon hadde laga kaffi i. Då vi kom ned frå fjellet - og var veldig slitne - så såg vi dette falleferdige og fråflytta huset. Veldig rart egentlig - der var fem seks hus som såg ut som dei var forlatt for mange år sidan. og det var rett ved ein stor turistattraksjon "Wisdom Path" - den ser du her;

Det var først då vi hadde gått forbi dei falleferdige husa at dei lekre skilta med Tea Garden Restaurant kom opp. Da angra eg på at eg ikkje tok fleire bilder av den "flotte" restauranten. Og minnene fra Frankrike kom tilbake. Om ikkje lenge skal eg og Inge gå to veker i Frankrike - da blir det fleire flotte bilder å sjå. 

Wisdom path var gigantiske trestammar som var slissa i to på langs og der var det skore inn ulike visdomsord. Flotte monument. Men vi var skjelvne i beina etter den 3 timers lange fjellturen og traska vidare til The Giant Buddah. Ein fantastisk gigantisk bronseskulptur som vi når vi kom ned fra fjellet og ut fra tåka kunne skimte i det fjerne; 

Men Buddahen altså --- og her på nært hald; 

Ein fantastisk opplevelse - og så var det å komme seg til hotellet - vi dvela ikkje så lenge her - vi var slitne og stinka fælt. 

Så vel tilbake på hotellet pimpa vi opp solsengene og slappa litt av; 

Det er noko eg alltid gjer når eg er ute og reiser - har med lappetepper så vi føler oss litt meir heime. Etter ein kort kvil så bar det ut att på middag med ei venninne. Kan ikkje sei anna enn at om du liker å reise så er Hong Kong ein fantastisk plass å besøke. Følg meg gjerne på Instagram for fleire oppdateringer. 

Og til sist - har du ikkje handla i butikken enda? I heile april trekker eg ut tre vinnere - ein får ei stoffpakke til ein verdi av 2500 kroner og to stykker får gavekort på 1000 kroner kvar. Legg inn ei bestilling og få sjangsen til å vinne du også; 

Desiree's Lappeteknikk

Lurer du på korleis du bestiller? Kategoriene hos Desiree

Nyheter og bestselgere

Hvordan bestille hos Desiree

Du er hjertelig velkommen til ein hyggelig handel - alle bestillinger sendes ut fra 2. mai. 

Helsingar fra Desiree

Ein stoffbit inn - ein stoffbit ut - et lappeliv i balanse

Hei kjære lesar!
Her ser du meg framføre regnbueteppet som er eg så gla i. Eg har omøblert på jobb, og no heng dette teppet slik at eg ser det når eg sit ved kontorpulten. Først vil eg berre dele tre videoer som viser korleis du handler i nettbutikken - har du ikkje sett dei før så er desse fine til å få litt hjelp til å forstå korleis den virker.

Så korleis du faktisk bestiller ser du her; Hvordan bestille hos Desiree

Og korleis heile framsida i butikken fungerer og poenget med den ser du her; Fremsiden

Nyheter og bestselgere - kva er det? Nyheter og bestselgere

Korleis fungerer kategoriene? Navigere i kategoriene

Og straks utsolgt - når de flotte stoffene er nesten borte; Straks utsolgt

I tillegg husk - alle produktbildene kan du klikke på - og da vil du få opp kva for nokre produkt eg anbefaler sammen med det aktuelle produktet.

----

SÅ - tilbake til ein stoffbit inn - ein stoffbit ut -

Eg har i nokre år no fulgt Nina Wolther - og gått mange av hennar online kurs i både farger, energi og rydding. Ein av dei tinga ho har fokus på er - ein ting inn - ein ting ut.

Korleis kan dette overføres til syrommet? Eg har eit middels godt utvalg i stoffer på syrommet. Eg syr mykje av det eg har - eg elsker å bruke rester - altså at eg ikkje planlegger kva stoffer som skal være med i eit prosjekt - men heller tar utgangspunkt i boksene mine.

Eg vil no vise deg fire tepper eg har sydd den siste tida - les - eit av dei må være på begynt i 1,5 år - så det er litt over tid at desse teppene blir født.

Det første teppet er det eg kaller eit strandteppe. Det passer til ei strandseng som ein ligg på i syden. Planen min er å ha ti slike tepper - slik at når heile familien skal til ein plass der det er sol og varme - så har vi ein koffert full med tepper. Sist vi var i syden hadde eg med tre tepper - og det endte med at vi slost om kven som skulle ha teppene. Så da var ideen født til å sy strandtepper.

Her er det aktuellet teppet;

Eg har brukt blokka vindmøller - det er ei kjekk blokk som eg aldri blir lei av. Vel, eg blir jo aldri lei av nokon av blokkene eg bruker. Som du ser av dei to blokkene så er eg ikkje noko petimeter. Eg strebar ikkje etter nøyaktighet - og vil heller strebe etter det uperfekte - da vil det heller ikkje gi meining å sjå etter feil, for dei er så mange :-)

Teppet måler 60 ganger 190 cm. Toppen - før det vart quilta - veide 250 gram. Ein meter stoff veier ca 180 gram. Det betyr at i dette teppet har eg brukt rundt 1,4 meter stoff. Og da er vi ved sakens kjerne. Når eg vil ha balanse på syrommet. Når eg vil at stoffene mine skal være dynamiske - da veit eg at når eg har brukt 1,4 meter med stoffer til dette teppet - så er det fint om eg fyller på med nettopp 1,4 meter med stoff. Så eg noterer i boka mi at eg har brukt 1,4 meter med stoff. Dette er planen at eg skal gjere kvar gang eg er ferdig med ein topp. Også det eg ser er at nokre av stoffkategoriane mine er overfylte - grønt og blått, medan andre er slunkne. Så eg kjøper ikkje nødvendigvis inn att det som eg har brukt, men ser kor det trengst påfyll.

Dette var det første teppet - her kjem neste;

Dette er ei gave til søskenbarnet mitt Berit - og den vesle jenta som snart skal bli født. Vel, inspirasjonen fann eg på nettet - og det var ikkje før eg stolt viste det fram til familien at eg forsto at her var det eit symbol som vi ikkje er så glade i. Huff og huff. Faren i familien såg det med ein gang - og dei er tyske - og etter litt om og men landa dei på at fargane var så fine at dei ville gjerne behalde det - sjølv om ein også her kan leite etter noko om ein ønsker det og finne det.
Teppet veide 310 gram. Det målte 100 ganger 100 cm. Det betyr at eg har brukt 1,7 meter med stoff. det kan virke mykje, men eg har brukt også ein del einsfarga stoff og dei veg litt meir enn dei vanlige stoffene

Så til det tredje teppet.

Dette er eit tradisjonelt plussteppe. Inspirasjon fann eg på Pinterest. Eg har pusla ei og ei blokk - dvs starta ein plass og bygd med utover. Dette var utrulig kjekt å sy. Det måler 120 ganger 120 cm og veier 340 gram. Så her har eg brukt 340/180 = 1,88 meter med stoffer. Nettopp i dette teppet ser ein fordelen med å ha masse ulike stoffer - det gir lekkert liv til quilten.

Da er vi ved veis ende og det fjerde teppet;

Dette fann eg også inspirasjon til på Pinterest. Dette kjem nok til å bli ei konfirmasjonsgåve (spørs om ikkje også dei andre havner der - det vil tida vise).
Eg har prøvd å finne opphavskvinna til mønsteret utan å lukkast. Dette veg 280 gram og måler 145 ganger 97 cm. Da har eg brukt 280/180 = 1,58 meter med stoff.




Det betyr at eg totalt til desse fire teppene har brukt 6,56 meter med stoff. Med ein meter pris på rundt 200 kroner blir det 1312 kroner. Eg må sei - det er ein billig hobby. Kva koster ein time med massasje? Eller ustyr til å springe i fjellet eller å brygge øl? Mange timer med kos har eg hatt for
1300 kroner.

Men klart, så kjem quiltinga i tillegg. Dette er små tepper, og eg har likevel valgt å få dei quilta hos Quiltestallen. For alle fire teppene betalte eg 2737 kroner, da leverte eg med bakstykke og vatt. Eg visste at nett desse teppene ville eg ikkje quilte sjølv, men av og til gjer eg det skjølv også. Og det fine med å få teppene quilta er at det kan vente til ein får feriepenger - eller gave til bursdagen, eller til ein skal gi ei gåve til ein rund dag. Eg vil lett påstå at å gi slike tepper overgår alt ein kan gi og det er fantastiske presanger.

Så kva tenker du om ein stoffbit inn og ein stoffbit ut? Når eg har brukt 6,56 meter med stoff - noko som tilsvarer 22 30-centimetere. Det gir ein heilt annan følelse å ta inn 22 biter i hus når eg veit at dette er balanse. Og at det ikkje samlar seg opp i hopetall. Men det er mi tilnærming - og vi er alle ulike.

Tusen takk for at du valgte å lese denne bloggposten - eg håper det inspirerer deg til å sy - og til å ta ein ting inn  - ein ting ut.

God klem fra Desiree

Ps Quiltestallen finner du på 93 25 32 33 - Anne Toppe Myrdal. Ei kjekke dame :-)

Og heilt til sist - det har vore påske medan eg sydde lukkekantane på desse - eg var så heldig at det vart tre skiturar på meg - og her ser du ein av solnedgangane vi fekk sett;

Igjen - til vi sjåast igjen - god quilting :-) 

Varme tepper på rulletur

Av og til ser eg dei. Den eine er ein som har tatt seg tid til å rulle den andre ein tur. Av og til er den eine familie  -av og til ein som jobbar ved sjukeheimen. Som regel er den andre ein gammal mann eller ei gammal dame. Dei er gjerne godt kledd, for det er kaldt. Og dei har eit teppe på seg.

I januar skulle eg sy ferdig eit teppe som eg ikkje heilt visste kva eg skulle gjere med. Som alltid når eg skal quilte eit teppe så bruker eg limspray. Eg alternerer litt mellom KK100 og 505 men denne gangen vart det altså KK100. Du finn den i nettbutikken min under tilbehør, eller berre søk etter spray så finn du den. Her er sprayen.

Teppet er eit enkelt log cabin teppe i restestoffer i blått og grønt. Og eg valde å quilte det med bølgete striper med jamne mellomrom. Grønn og blå bomullstråd vart brukt. 

 Når eg quilter bruker eg alltid quiltehanskar. Også nyttar eg SupremeSlider. Det er ei silikonmatte som gjer at quilten glir lett på den flata eg har teppet på. Godt verktøy er halve jobben!

 Og hender det at eg skal fikse noko på ipaden eller mobilen medan eg syr? Ja, det gjer nok det. Så eg fann ut at om eg klipte av tuppane på tommel og peikefinger så vart det litt lettare.

I alle fall. Etterkvart vart teppet ferdig og eg vart svært fornøyd. Det gav meirsmak, og enda har eg meir att av grønt og blått som eg nytta i teppet. Eg veide teppet også og fann ut ca kor mykje stoff eg hadde brukt. Da er det så lett når eg fyller på - så eg ikkje riskierer å gå i manko på stoffer.

Og resultatet ser du her - måtte ta bilde den dagen eg spurte avdelingsleiaren ved gamleheimen om dei var interessert i slike tepper. Og ho sa - ja det var dei!

Og til sist så vil eg dele litt Kona Cotton inspirasjon. Dette nydelige teppet er sydd av Anna og bildestrømmen hennar finn du her; Annas nydelige Kona Cotton Quilt Du finn flickrstrømmen hennar under inspirasjon i margen. 

Fin dag til deg! 

15. november - oppdrag rydding er avslutta - og kva er resultatet?

Altså - da er ryddinga over for denne gang. Eg må jo innrømme. Eg elsker å rydde - sortere og få ut det som treng ein ny heim på den eine og den andre måten, og også å sjå at ting forandre seg underveis. Her skal du få sjå litt kva som openbarte seg under ryddinga - eller kva som kom tydelig fram;

 Her ser du mønstrene mine. Det er ikkje så mange, nokre få bruker eg igjen og igjen. Her er også inspirasjonsbilder fra nettet printa ut. Eg tar vare på de heilt til teppet er ferdig så eg kan få kreditert inspirasjonskilda. Det skal seiast at eg kasta halvparten av det som var i bunken.

Eg har tre tepper som er klare til å bli quilta. Eg veit eg mangler ramme på det eine, og eg er framleis i tenkeboksen om eg skal ha ramme på plussteppet. Så desse blir liggande ei stund til. 

Eg har fått klipt ut alle julestjernernene. Og desse skulle eg gjerne gjort ferdig før jul. Så dette er ein eg har på gang absolutt. 

Det neste her er ein Work In Progress - altså WIP. Eg bruker det aldeles nydelige panelet med mange bilder på. Du finn det her; I villmarka

Eg tenker å sy type reste/log cabin rundt bildene og planen er å få eit stort teppe. Det kan hende det blir så stort at eg deler det i to tepper. Dette har ingen hast - så det blir eit innimellom prosjekt. 

Eg opna ei ekse som hadde mange småbiter i seg. Dei vart det til at eg sydde denne vesle duken av. 

Eg liker så godt denne formen for quilting. 

Så kva skjedde - eg fann denne utslitte gjenbruksposen. Eg har tatt vare på den for å bruke den som mal til å sy eit nytt. Det gjorde eg og vart så fornøyd at eg gav det til ei venninne som har lånt meg ei bok. Ho vart særs nøgd ho og :-) 

Ja - kva meir har skjedd? 

Måketeppet. Eg har kutta opp så mykje som eg kan - og dette blir liggande på vent til eg får inn att av eit stoff eg mangla. Eg elsker å sy i Kona Cotton stoffene - og dei har vore den store investeringa i haust. Eg kjem tilbake til det litt lenger ned. 

Siste ut av prosjekter - det er ein bunke med stoffer fra regn-serien eg har i butikken pr november 2017. Planen er å sy fleire tepper til strandsenger når vi skal til syden. Eg håper jo at vi kjem oss ned att fleire ganger. 

Og så - eg har telt opp alle stoffene mine. Jepp alle. Eller - ikkje de japansk vevde som ligger i kasser på loftet på uthuset. Men ellers alle. Her ser du bilder. 

Eg har sagt litt om det før. Eg ønsker ikkje å bruke opp stoffene. Eg ønsker å ha ein balanse i stoffene. Det betyr at ca like mykje som går ut, vil eg skal komme inn. Eg veit at når eg vil sy ting så er det kjekt å ha eit godt utvalg. Så da veit eg at eg har brukt ca ein meter sidan laurdag på den vesle duken og veska. Da kan eg tilføre ein meter denne veka. 

Så skal det seiast - eg har virkelig bygd meg opp eit flott utvalg i Kona Cotton stoffene i høst. Over tid - sidan alle skal vaskast før dei kjem inn på syrommet - så har eg fått inn heile 27! meter. Det kan høyrest mykje ut - men det er berre 4000 kroner, og det er også berre 1000 kroner pr måned.

Og eg veit at såpass må det være skal eg ha eit relativt utvalg. Totalt utenom Kona Cotton har eg 161 meter. det eg gjer - eg måler ikkje opp stoffene. Eg veit at 100 cm er ca 180 gram. Så det eg har gjort er at eg har veid alt sammen. 

Til sist - gjestesenga er igjen blitt ei gjesteseng; 

Nyoppredd - så det er berre å ta av sengeteppet - så er den klar. 

Det er så deilig med ei slik opprydding. Mykje er sendt avgårde til Elvahuset - bruktbutikken i Førde. Nokre skikkelige skattar som havna der.Over ser du filmen fra resultatet. 

Ønsker deg alt det beste :-) 

Klem fra Desiree

Ein kattepus blir til - og om kreativitet

Av og til går eg i fella.

Eller - eg føler faktisk at eg gjer det daglig. Og når eg er årvåken nok så går det opp for meg at når eg har gått i fella så har eg ein mulighet til å gjere noko bra.

Så ei tilbakevendende felle er følgande;

Eg trur at det eg kan - det kan dei fleste. I dag fekk eg igjen bekrefta at slik er det nok ikkje. Hehe

Det var ikkje ei stor greie - eg skulle sy sammen to firkanter til to trekanter. Eller altså til to firkanter som da består av to trekanter. Ja, du skjønner kan hende? Og om ikkje så skal du no få sjå.

Dette er det fleire der ute som ikkje kan - og kan du det så kan du sjå deg i speilet i kveld og sei til deg sjølv - du er flink! Du kan sy sammen to firkanter - som så på mirakuløst vis blir til to firkanter som består av to trekanter :-) Good for you! :-)

Og for deg som ikkje aner kva eg snakker om? Her skal du sjå korleis eg gjer det;

Eg skal jo sy ei søt katteblokk. Du vil sjå den litt lenger nede. Og til denne blokka treng eg ein del firkanter som består av to trekanter. Firkantene blokka består av har eg valgt til å være 1,5 ganger 1,5 inch. Det betyr at når eg så skal lage meg firkanter som skal bestå av to trekanter så må dei være noko større. Eg valgte å lage dei av 2,5 inch firkanter og det er rikelig store nok. Så altså; 

Eit kvadrat i grått og eit i blått. Rette mot rette. Så tegner eg ein strek fra hjørne til hjørne. Så neste steg; 

Så syr eg på den eine sida. 

Og så syr eg på andre sida av streken. 

No ser den slik ut - så tek eg fram skjærekniven og så gjer eg dette; 

Og no er det berre å stryke dei ut og reinskjære dei - da blir dei sånn; 

Og her ser du korleis dei blir. Vil du sjå kva eg brukte dei til? Eg såg eit herlig bilde Linda Klysner hadde lagt ut i Lappemakerne. Og i dag har eg sydd ei blokk. 

Godt i gang. 

Og her er den heilt ferdig. Dette er den første blokka. Eg laga i denne forbindelse ein video om kreativitet - du finn den her;